1 րոպեի ընթերցում
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Ուկրաինայի նախկին նախագահ Վիկտոր Յանուկովիչը հայտարարել է, որ հանդես է գալիս Ուկրաինայի տարածքային ամբողջականության պահպանման օգտին: Ինչպես փոխանցում է «Արմենպրես»-ը, վկայակոչելով «Ռիա-նովոստի»-ն, այդ մասին նա նշել է Ռոստովում տեղի ունեցած ասուլիսի ընթացքում:
«Ես կողմ եմ, որպեսզի Դոնբասը լինի Ուկրաինայի կազմում, պահպանվի տարածքային ամբողջականությունը»,- ասել է նա:
Նրա խոսքով` ի սկզբանե ինքը դեմ է եղել Դոնբասի անջատմանը, «չնայած դա եղել է մարդկանց էմոցիոնալ պոռթկում, ովքեր բացասական են արձագանքել անկարգություններին, երբ ծայրահեղականները սկսել են արյուն թափել»:
Յանուկովիչն ընդգծել է, որ հակամարտութան կարգավորման համար անհրաժեշտ է վերջ տալ կրակին և հետ բերել զորքերը: