398.64
Արմեն Մուրադյանը շնորհավորական ուղերձ է հղել Երիտասարդության համաշխարհային օրվա առթիվ
1 րոպեի ընթերցում
ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: ԵՊԲՀ ռեկտորի ժամանակավոր պաշտոնակատար Արմեն Մուրադյանը շնորհավորական ուղերձ է հղել Երիտասարդության համաշխարհային օրվա առթիվ: «Ուրախությամբ պետք է փաստենք, որ երիտասարդությունն այսօր մեր երկրի բոլոր ոլորտներում կարևոր և անգնահատելի դերակատարում ունի։ Դուք, գտնվելով մի շարք կարևոր գործընթացների կիզակետում, մեր ապագան եք, վաղվա օրվա երաշխիքը, ինչպես նաև բոլոր ժամանակների այն հիմքը, որն ապահովում է յուրաքանչյուր երկրի բնականոն առաջընթացն ու բարեկեցությունը»,-«Արմենպրես»-ի հաղորդմամբ, մասնավորապես, նշված է ռեկտորի պաշտոնակատարի ուղերձում:
Արմեն Մուրադյանը վստահություն է հայտնել, որ Հայաստանի երիտասարդներն իրենց գաղափարներով, ծրագրերով ու նախաձեռնություններով քայլում են ժամանակին համընթաց՝ լիարժեքորեն դառնալով մեր ապագայի կերտման անմիջական մասնակիցը։
«Մխիթար Հերացու անվան Երևանի պետական բժշկական համալսարանը կերտում է առողջ ապագա, առողջ հայրենիք, հետևաբար այդ առողջությունը ապահովելու համար երիտասարդներն էլ պետք է առաջին հերթին լինեն առողջ»,-ասել է Մուրադյանը` երիտասարդներին մաղթելով նպատակների իրականացում, ամուր կամք, նորանոր ուսումնական և անձնական հաջողություններ:
Բաժանորդագրվեք մեր ալիքին Telegram-ում