1 րոպեի ընթերցում
ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Ուկրաինայի նախագահ Պյոտր Պորոշենկոն պատրաստ է ստորագրել Միխայիլ Սաակաշվիլիին Օդեսայի նահանգապետի պաշտոնից ազատելու հրամանագիրը, եթե համապատասխան որոշումը կայացվի կառավարության կողմից: Ինչպես տեղեկացնում է «Արմենպրես»-ը՝ վկայակոչելով «ՌԻԱ նովոստին»-ն, այդ մասին Ուկրաինայի նախագահի մամուլի ծառայությունը հայտարարել է թվիթերյան էջի միջոցով:
Միաժամանակ, ընդգծվել է, որ վերլուծվելու են նահանգապետի ազատման «իրական պատճառները»:
Ավելի վաղ Սաակաշվիլին հայտարարել էր, թե որոշում Է ընդունել պաշտոնաթող լինել այն բանի կապակցությամբ, որ իշխանությունները չեն ցանկանում պայքարել կոռուպցիայի դեմ:«Ստեղծված իրավիճակում ես որոշեցի պաշտոնաթող լինել եւ պայքարի նոր փուլ սկսել»,- ասել Էր Սահակաշվիլին Օդեսայում կայացած մամուլի ասուլիսի ժամանակ: Նրա խոսքով՝ չնայած Ուկրաինայում տեղի ունեցած իշխանափոխությանը, երկրում ծաղկում Է կոռուպցիան, եւ «ինչպես որ թալանում Էին, այդպես Էլ թալանում են»: Նա նշել Է, որ իր համար «վերջին կաթիլն» Է դարձել պաշտոնյաների եկամուտների վերաբերյալ Էլեկտրոնային հայտարարագրերի հրապարակումը: