Քրդերն ԱՄՆ-ի հետ պայմանավորվել են Ռաքայի համար ճակատամարտին Թուրքիայի չմասնակցելու շուրջ
1 րոպեի ընթերցում
![Քրդերն ԱՄՆ-ի հետ պայմանավորվել են Ռաքայի համար ճակատամարտին Թուրքիայի չմասնակցելու շուրջ](http://armenpress.am/resized/480/static/news/b/2016/11/866513.jpg)
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Սիրիայում գործող քրդական ուժերն ԱՄՆ-ի գլխավորած կոալիցիայի հետ պայմանավորվել են, որ Թուրքիան չի մասնակցելու «Իսլամական պետություն» խմբավորումից Ռաքայի ազատագրմանը: Այդ մասին, ինչպես տեղեկացնում Է «Արմենպրես»-ը, «Ֆրանսպրես» գործակալությանը հայտնել Է քրդերի ներկայացուցիչը:
Կոալիցիան պատրաստվում Է Ռաքայի ազատագրման գործողությունը կազմակերպել՝ որպես ցամաքային ուժեր քրդական «Սիրիայի դեմոկրատական ուժերի» (ՍԴՈւ) օգտագործմամբ: Պենտագոնի ղեկավար Էշթոն Քարթերն ավելի վաղ հայտարարել Էր, որ Թուրքիան կարող Է մասնակցել գործողությանը, նրա հետ բանակցություններ են վարվում: Քրդերը դեմ Էին Թուրքիայի մասնակցությանը:
«Թուրքիայի մասնակցության հարցը որոշվել Է կոալիցիայի հետ: Թուրքիայի մասնակցություն չի լինելու»,-գործակալությանը հայտարարել Է ՍԴՈւ-ի ներկայացուցիչ Թալյալ Սելոն, հաղորդել Է ՌԻԱ Նովոստին: