396.71
ԵԱՏՄ-ի եւ Իսրայելի բանակցությունների առաջին փուլը տեղի կունենա նոյեմբերին Կալինինգրադում
1 րոպեի ընթերցում
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Ազատ առեւտրի գոտու ստեղծման շուրջ Եվրասիական տնտեսական միության եւ Իսրայելի միջեւ բանակցությունները կսկսվեն Ռուսաստանի Կալինինգրադ քաղաքում նոյեմբերին կայանալիք հանդիպմամբ: Այդ մասին, ինչպես տեղեկացնում Է «Արմենպրես»-ը՝ հղում անելով ՌԻԱ Նովոստիին, հայտնել Է Թել Ավիվում Ռուսաստանի դեսպանությունը:
Իսրայելի հետ բանակցային գործընթացի գործարկման որոշումը ինտեգրացիոն միավորման մասնակից հինգ երկրների՝ Ռուսաստանի, Հայաստանի, Բելառուսի, Ղազախստանի եւ Ղրղզստանի ղեկավարները հաստատել են մեկ տարի առաջ փորձագետների հանձնարարականների հիման վրա:
«Նոյեմբերին Կալինինգրադում նշանակված Է ազատ առեւտրի գոտու շուրջ բանակցությունների առաջին փուլի անցկացումը Եվրասիական տնտեսական միության եւ Իսրայելի միջեւ»,-ասված Է հաղորդագրության մեջ:
Բաժանորդագրվեք մեր ալիքին Telegram-ում