Հռոմի պապը ժամանել Է Իտալիայի՝ երկրաշարժից ավերված Ամատրիչե քաղաք

ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: Հռոմի Ֆրանցիսկոս պապը հոկտեմբերի 4-ի առավոտյան ժամանել Է Իտալիայի Ամատրիչե քաղաք, որը գտնվում Է օգոստոսի լույս 24-ի գիշերը Կենտրոնական Իտալիայում տեղի ունեցած ուժգին երկրաշարժի Էպիկենտրոնի մերձակայքում, տեղեկացնում Է «Արմենպրես»-ը:

Սուրբ աթոռի մամուլի ծառայությունը հայտնել Է, որ քահանայապետը Ամատրիչե Է եկել Ռիետի քաղաքի եպիսկոպոս Դոմենիկո Պոմիլիի ուղեկցությամբ: Անվտանգության ապահովման հետ կապված նկատառումներով՝ Հռոմի պապի այս այցի մասին վաղօրոք տեղեկատվություն չի տարածվել:

Իր ուղեւորությունը Ֆրանցիսկոսն սկսել Է Ամատրիչեի քաղաքային դպրոց այցելությամբ, որտեղ նա հանդիպում Է ունեցել աշակերտների եւ ուսուցիչների հետ: «Ես ձեզ հետ եմ, ես աղոթում եմ ձեզ համար»,-ասել Է քահանայապետը: Սպասվում Է, որ առաջիկա ժամերին նա կուղեւորվի այսպես կոչված «կարմիր գոտի», որն առավել շատ Է վնասվել տարերային աղետից:

6,0 մագնիտուդով երկրաշարժը տեղի Է ունեցել օգոստոսի լույս 24-ի գիշերը, ավերածություններ են գրանցվել Լացիոյի, Մարկեի եւ Ումբրիայի մարզերում: Ըստ վերջին տվյալների՝ տարերային աղետի զոհ Է դարձել 298 մարդ, վիրավորվել են մի քանի հարյուր բնակիչներ, ավելի քան 3 հազար մարդ զրկվել Է օթեւանից, հաղորդել Է ՌԻԱ Նովոստին: