1 րոպեի ընթերցում
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ: Սիրիայում հրադադարի ռեժիմն սպառնալիքի տակ Է դրված «հրեշավոր պատահարի»՝ Սիրիայի կառավարական զորքերին ԱՄՆ-ի ռազմաօդային ուժերի հասցրած հարվածի պատճառով: Այդ մասին, ինչպես տեղեկացնում Է «Արմենպրես»-ը, հայտարարել Է ՌԴ-ի նախագահի մամուլի քարտուղար Դմիտրի Պեսկովը:
«Ես առայժմ չեմ կարող ձեզ ասել, առայժմ իրադրությունը հեռու Է բավարար լինելուց: Դուք գիտեք, եւ այդ մասին ասել են մեր զինվորականները, որ դե ֆակտո եւ միակ կողմը, որը պահպանում Է այդ զինադադարը, շարունակում են մնալ սոսկ Սիրիայի Արաբական Հանրապետության զինված ուժերը»,- ասել Է Պեսկովը լրագրողներին՝ խոսելով Սիրիայում հրադադարի ռեժիմի հեռանկարների մասին:
Նա հավելել Է. «Մենք գիտենք հրեշավոր պատահարի մասին, ես նկատի ունեմ այն ավիահարվածը, որն, ինչպես պնդում Է Պենտագոնը, սխալմամբ հասցվել Է սիրիական բանակի դիրքերին: Այդ ամենն, անշուշտ, սպառնալիքի տակ Է դնում հրադադարի ռեժիմը»: