366.85
ՌԴ ԱԳՆ-ն ստացել է Ուկրաինայում Պետդումայի ընտրություններ անցկացնելու անհնարինության մասին նոտա
1 րոպեի ընթերցում
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսական իշխանություններն ուկրաինական իշխանություններից ստացել են երկրի տարածքում ՌԴ քաղաքացիների համար Պետդումայի ընտրություններ անցկացնելու անհնարինության մասին նոտա:
«Արմենպրես»-ի փոխանցմամբ` այդ մասին հաղորդում է «Ռիա-նովոստի»-ն` վկայակոչելով ՌԴ արտաքին գործերի նախարարությունում իր աղբյուրը:
«Մենք նոտա ենք ստացել, այժմ այն վերլուծում ենք և կանենք համապատասխան եզրահանգումներ»,- ասել է նա: Գործակալության զրուցակցի խոսքով` գերատեսչությունը հանդես կգա հայտարարությամբ, երբ կվերլուծի ստացված նոտան:
Ավելի վաղ ՌԴ կենտրոնական ընտրական հանձնաժողովի ղեկավար Էլլա Պամֆիլովան հայտարարել էր, որ Պետդումայի ընտրություններ անցկացնելու արգելքը կարող է բումերանգով հարվածել Ուկրաինային:
Բաժանորդագրվեք մեր ալիքին Telegram-ում