1 րոպեի ընթերցում
ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Իրանը պետք է ընդգրկված լինի Լեռնային Ղարաբաղի հակամարտության կարգավորման գործընթացում: «Արմենպրես»-ի հաղորդմամբ՝ օգոստոսի 22-ին լրագրողների հանդիպման ժամանակ նման տեսակետ հայտնեց «Ընդդեմ իրավական կամայականության» հասարակական կազմակերպության գործադիր տնօրեն Լարիսա Ալավերդյանը:
«Իրանը պետք է ընդգրկվի բանակցային գործընթացում, որովհետև սահմանակից երկիր է և ակտիվ գործոն է տարածաշրջանում»,- նշեց Ալավերդյանը:
Ըստ ՀՀ մարդու իրավունքների առաջին պաշտպանի` Թուրքիան սահմանակից երկիր է, սակայն ի սկզբանե եղել է Մինսկի խմբի անդամ` չնայած որ բացեիբաց ներկայացրել է Ադրբեջանի շահերը:
«Արդյոք չպետք է հիմա հարց բարձրացնել Թուրքիային Մինսկի խմբից հանելու վերաբերյալ: Չի կարելի ընդգրկել մի պետություն, որն ասում է, որ Ադրբեջանին պետք է հանձնել տարածքները»,- ընդգծեց Ալավերդյանը: