Մահապատժի սահմանումը վերջակետ կդնի ԵՄ-ին Թուրքիայի անդամակցության շուրջ բանակցություններին. ԳՖՀ-ի ԱԳՆ
1 րոպեի ընթերցում
![Մահապատժի սահմանումը վերջակետ կդնի ԵՄ-ին Թուրքիայի անդամակցության շուրջ բանակցություններին. ԳՖՀ-ի ԱԳՆ](http://armenpress.am/resized/480/static/news/b/2016/08/856390.jpg)
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Մահապատժին Թուրքիայի վերադառնալը կնշանակի ԵՄ-ին երկրի անդամակցության շուրջ բանակցությունների դադարեցում: Այդ մասին, ինչպես տեղեկացնում Է «Արմենպրես»-ը, ճեպազրույցում լրագրողներին հայտարարել Է ԳՖՀ-ի ԱԳ նախարարության ներկայացուցիչ Զավսան Շեբլին:
«Թուրքիայի կողմից մահապատժի սահմանումն անհամատեղելի կլինի ԵՄ-ի արժեքների հետ: Դա կնշանակի ԵՄ-ին անդամակցության շուրջ բանակցությունների դադարեցում»,-ասել Է նա:
Մայիսին Եվրահանձնաժողովը Եվրախորհրդարանին եւ ԵՄ-ի Խորհրդին առաջարկել Է հանել այցագրային սահմանափակումները Թուրքիայի քաղաքացիների համար, հաղորդել Է ՏԱՍՍ-ը: