2 րոպեի ընթերցում
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Սիրիական զորքերը կասեցրել են «Ջեյշ ալ Ֆաթհ» զինված կոալիցիայի կազմավորումների գրոհները Հալեպի հարավ - արեւմուտքում (Դամասկոսից 360 կիլոմետր հեռավորության վա): Ինչպես իր Էլեկտրոնային տարբերակում հաղորդել Է Al Watan թերթը, սիրիական բանակի մարտիկները եւ աշխարհազորայինները մեկ օրում ոչնչացրել են ավելի քան 800 ահաբեկիչների, շարքից հանվել Է տասնյակ միավոր զրահատեխնիկա, տեղեկացնում Է «Արմենպրես»-ը:
Հրատարակության տեղեկություններով՝ կառավարական ուժերը կորցրած դիրքերի վերադարձման գործողությանն են պատրաստվում Ռամուսի հարավային ծայրամասում ռազմական ուսումնարանների համալիրի տարածքում: Նրանք նախկինի պես պահպանում են պատվարը ցեմենտի գործարանի շրջանում՝ զինյալներին թույլ չտալով ճեղքել-դուրս գալ քաղաքի արեւելյան շրջաններ, որոնք շրջապատված են զորքերով:
Սիրիայի զինված ուժերի հրամանատարության ներկայացուցիչը հերքել Է ընդդիմադիր ձայնափողերի հաղորդումներն այն մասին, թե հրոսակային խմբավորումներն իբր հասել են Շեյխ Սայիդ հարավային արվարձան: «Ահաբեկիչների եւ վարձկանների ջախջախման ռազմական գործողությունը շարունակվում Է, եւ քաջարի սիրիական բանակը լի Է վճռականությամբ թշնամուն հարված հասցնելու Հալեպի մատույցներում»,- հայտարարել Է նա:
Մինչդեռ Al Mayadeen հեռուստակայանը փոխանցել Է «Ջեյշ ալ Ֆաթհ» խմբավորման պաշտոնական հաղորդագրությունը, որը հայտարարել Է «հանուն ամբողջ Հալեպի ազատագրման ճակատամարտն սկսելու մասին»: Այս նպատակով արագորեն քաղաքի հարավային արվարձաններ հրոսակային կազմավորումներ են տեղափոխվում հարեւան Իդլիբի եւ Համայի նահանգներից, հաղորդել Է ՏԱՍՍ-ը: