Նիսում բեռնատարը մխրճվել է Ազգային տոնին մասնակցող մարդկանց մեջ և կրակ բացել. կան տասնյակ զոհեր /լրացվում է/

ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: Ֆրանսիայի միջերկրածովյան Նիս քաղաքում հուլիսի 14-ի երեկոյան, երբ ֆրանսիացիները նշում էին Ազգային տոնը՝ Բաստիլի օրը, հարձակում է տեղի ունեցել: Հաղորդվում է մոտ 50 զոհերի և մի քանի տասնյակ վիրավորների մասին: Ինչպես հաղորդում է «Արմենպրես»-ը՝ վկայակոչելով «Ռոյթերս» գործակալությունը, բեռնատարը մխրճվել է ազգային տոնի առիթով քաղաքի կենտրոնական հատվածներից մեկում հավաքված ամբոխի մեջ, ապա կրակ բացել մարդկանց ուղղությամբ: Հաղորդվում է, որ վարորդն սպանվել է ոստիկանների կողմից:

«Նիսի սիրելի բնակիչներ, բեռնատարի վարորդը հավանաբար սպանել է տասնյակ մարդկանց, մնացեք տներում: Խոստանում ենք մանրամասներ հաղորդել»,-Թվիթերի իր միկրոբլոգում գրել է քաղաքապետ Քրիստիան Էստրոզին:

Ֆրանսիայի նախագահ Ֆրանսուա Օլանդը շտապ Փարիզ է վերադարձել Ավինյոնից: Նա կժամանի Ներքին գործերի նախարարություն, որտեղ սկսել է աշխատել ճգնաժամային խումբը:

02:02- հաղորդվում է 60 զոհի և 100 վիրավորի մասին:

02:05- Նիսի քաղաքապետը հայտարարեց 70 զոհի մասին:

Il s'agit du pire drame de l'histoire de Nice car plus de 70 victimes sont déjà à déplorer.

— Christian Estrosi (@cestrosi) 14 июля 2016 г.