Ընդդիմությունն առաջարկել է ողջ Սիրիայում հրադադար հայտարարել Ռամադանի ընթացքում

ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Սիրիայի ընդդիմության Բանակցությունների բարձրագույն կոմիտեն հայտարարել է, որ նամակ է հղել ՄԱԿ-ին՝ առաջարկելով հրադադարի ռեժիմ մտցնել Ռամադանի ժամանակ ողջ Սիրիայում: «Արմենպրես»-ի փոխանցմամբ՝ «ՌԻԱ Նովոստի»-ն գրում է, որ Ռամադանի ամիսն այս տարի սկսվելու է հունիսի 6-ից:

Ավելի վաղ՝ չորեքշաբթի օրը, Պատերազմող կողմերի հաշտեցման կենտրոնի ղեկավար Սերգեյ Կուրալենկոն հայտնել էր, որ ՌԴ նախաձեռնությամբ և Սիրիայի ու ԱՄՆ-ի իշխանությունների համաձայնեցմամբ Դարայեում 48 ժամով հայտարարվել է լռության ռեժիմ՝ հումանիտար օգնությամբ ապահովելու համար:

Հրադադարի ռեժիմը Սիրիայում հայտարարվել է փետրվարի 27-ին:

Լուսանկարը` РИА Новости