Շառլ Ազնավուրի երաժշտությամբ «Իմ Փարիզ» մյուզիքլը շարունակում է հաղթարշավը

ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Ֆրանսահայ լեգենդար երգիչ Շառլ Ազնավուրի երաժշտությամբ և խոսքերով «Իմ Փարիզ» մյուզիքլը շարունակում է հաղթարշավը: «Արմենպրես»-ի փոխանցմամբ՝ Ազնավուրի պաշտոնական ֆեյսբուքյան էջը տեղեկացնում է, որ այն մայիսի 4-29-ը կներկայացվի ամերիկյան Long Wharf Theatre-ի Claire Tow բեմում:

Նախորդ տարի ամերիկյան Չեսթեր քաղաքի The Norma Terris Theatre-ը ֆրանսիացի անվանի նկարիչ Անրի դե Տուլուզ-Լոտրեքի կյանքին և ստեղծագործությանն առնչվող նոր մյուզիքլ ներկայացրեց, որի երաժշտության և բառերի հեղինակը ֆրանսիացի լեգենդար երգիչ Շառլ Ազնավուրն է: «Իմ Փարիզ» («My Paris») խորագրով մյուզիքլը պատմություն է մի մեծ արվեստագետի մասին, որը սիրում էր աշխարհը, և այդ սերը փոխադարձ չէր: Մյուզիքլի հիմում Օսկարի, Թոնիի և Պուլիցերյան մրցանակների դափնեկիր Ալֆրեդի Ուրիի գիրքն է: Թոնիի մրցանակակիր խորեոգրաֆ Քեթլին Մարշալը կյանքի է կոչել այս ամենը: