Թուրքիան պետք Է միջոցներ ձեռնարկի՝ նվազեցնելու միգրանտների հոսքը Եվրոպա. Ցիպրաս
1 րոպեի ընթերցում
![Թուրքիան պետք Է միջոցներ ձեռնարկի՝ նվազեցնելու միգրանտների հոսքը Եվրոպա. Ցիպրաս](http://armenpress.am/resized/480/static/news/b/2016/03/838224.jpg)
ԵՐԵՎԱՆ, 3 ՄԱՐՏԻ, ԱՐՄԵՆՊՐԵՍ: Անկարան պետք Է ընդունի այն միջոցները, որոնք մարտի 7-ին ԵՄ-Թուրքիա գագաթնաժողովում կմշակվեն Եվրոպա միգրանտների հոսքը նվազեցնելու ուղղությամբ: Այդ մասին, ինչպես տեղեկացնում Է «Արմենպրես»-ը, Հունաստանի վարչապետ Ալեքսիս Ցիպրասը հայտարարել Է Եվրախորհրդի նախագահ Դոնալդ Տուսկի հետ Աթենքում կայացած հանդիպումից հետո:
«Առաջիկա բարձր մակարդակի հանդիպմանը հարկ Է միջոցներ մշակել, որոնք պետք Է Թուրքիայի կողմից ընդունվեն փախստականների հոսքը նվազեցնելու համար»,-հայտարարել Է վարչապետը:
Ցիպրասը նաեւ հայտնել Է, որ մարտի 8-ին ինքը կայցելի Իզմիր՝ մասնակցելու Թուրքիայի հետ համագործակցության Բարձրագույն խորհրդի չորրորդ նիստին, հաղորդել Է ՏԱՍՍ-ը:
Լուսանկարը` EPA