Սիրիայում հրադադարի համաձայնագիրը պաշտպանել են ավելի քան 100 խմբավորումներ

ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Սիրիական ընդդիմության բանակցությունների գծով բարձրագույն կոմիտեն հայտարարել է, որ ընդդիմադիր խմբավորումների թիվը, որոնք համաձայնել են փետրվարի 27-ի հրադադարին, անցել է 100-ը ու այդ թիվը շարունակում է աճել: Ինչպես փոխանցում է «Արմենպրես»-ը՝ վկայակոչելով РИА Новости-ին` այս մասին Sputnik գործակալությանըհայտնել է բարձրագույն կոմիտեի պաշտոնական ներկայացուցիչը: Նա նշել է, որ մտադիր են հրապարակել բոլոր խմբավորումների անվանումները, որոնց մեջ կան նաև իրեն անծանոթ խմբավորումներ:

Փետրվարի 22-ին հրապարակվել է Սիրիայի վերաբերյալ ԱՄՆ-ի ու Ռուսաստանի համատեղ հայտարարությունը, որի համաձայն` փետրվարի 27-ին պետք է հաստատվի հրադադար, որը սակայն չի տարածվի «Իսլամական պետություն», «Ջեբհաթ ան-Նուսրա» ու այլ խմբավորումների վրա, որոնք ՄԱԿ-ի կողմից որակվված են որպես ահաբեկչական:

Լուսանկարը` РИА Новости