388.4
«Իսլամական պետության» պարագլուխները Իրաքից եւ Սիրիայից փախչում են Լիբիա
1 րոպեի ընթերցում
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: «Իսլամական պետություն» ահաբեկչական խմբավորման պարագլուխները Իրաքից եւ Սիրիայից փախչում են Լիբիա՝ հավաքագրելու նոր գործակիցների: Այդ մասին, ինչպես տեղեկացնում Է «Արմենպրես»-ը՝ հայտնել Է ԻՊ-ի դեմ պայքարի միջազգային կոալիցիայի հրամանատարության ներկայացուցիչ գնդապետ Սթիվ Ուորենը:
«Մենք Իրաքից եւ Սիրիայից ԻՊ-ի զինյալների մեծ արտահոսք չենք նկատում Լիբիա, սակայն արձանագրել ենք, որ այնտեղ են ուղեւորվում խոշոր դաշտային հրամանատարները»,-ամերիկացի սպայի խոսքը մեջբերել Է «Աշ Շարկ ալ Աուսաթ» համաարաբական թերթը: «Նրանք Լիբիա են գնում հարեւան երկրներից զինյալներ հավաքագրելու նպատակով»,-պարզաբանել Է Ուորենը:
Նա նաեւ նշել Է, որ մոտ ժամանակներս Լիբիայում իսլամիստների դիրքերին ավիահարվածներ չեն պլանավորվում, սակայն «դրա հավանականությունը ավելի ու ավելի Է մեծանում», հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում
