390.13
Պորոշենկոն եւ Բայդենը Դոնբասի իրադրության վատթարացում են արձանագրել
1 րոպեի ընթերցում
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Ուկրաինայի նախագահ Պյոտր Պորոշենկոն վերջին յոթ օրվա ընթացքում երրորդ հեռախոսազրույցն է անցկացրել ԱՄՆ-ի փոխնախագահ Ջոզեֆ Բայդենի հետ: Այդ մասին, ինչպես տեղեկացնում է «Արմենպրես»-ը, ասված է ուկրաինական պետության ղեկավարի մամուլի ծառայության հաղորդագրության մեջ:
«Զրուցակիցներն ընդգծել են Ուկրաինայում բարեփոխումների շարունակման կարեւորությունը Արժույթի միջազգային հիմնադրամի եւ միջազգային ֆինանսական այլ հաստատությունների հետ համագործակցության համատեքստում»,- նշվում է հաղորդագրության մեջ:
Պորոշենկոն հայտնել է Դոնբասի իրադրության վատանալու մասին, ինչն, իր հերթին, դատապարտել է Բայդենը եւ իր զրուցակցին հավաստիացրել, որ «Ուկրաինայի տարածքային ամբողջականությանն աջակցման հարցում Վաշինգտոնի դիրքորոշումն անփոփոխ է», հաղորդել է ՏԱՍՍ-ը:
Բաժանորդագրվեք մեր ալիքին Telegram-ում