2 րոպեի ընթերցում
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Ֆրանսիացիների մեծամասնությունը համոզված Է, որ երկրի իշխանությունները հաշվի չեն առնում իրենց կարծիքը: Ինչպես տեղեկացնում Է «Արմենպրես»-ը, դա են վկայում այն հարցման արդյունքները, որոնք փետրվարի 10-ին հրապարակվել են Elabe ֆրանսիական սոցիոլոգիական ինստիտուտի կողմից:
Հարցման տվյալներով՝ Ֆրանսիայի քաղաքացիների միայն 20 տոկոսն Է հայտարարել, որ նախագահ Ֆրանսուա Օլանդը եւ վարչապետ Մանյուել Վալսը «հաշվի են առնում» բնակչության կարծիքը: Դեռ ավելին՝ ֆրանսիացիների միայն 16 տոկոսն Է հավատում, որ պետության եւ կառավարության ղեկավարների գործողությունները համապատասխանում են այն մարտահրավերներին, որոնք ներկայում ծառացած են երկրի առջեւ:
Այսչափ անմխիթար արդյունքները հրապարակվել են այն բանից բառացիորեն մի քանի ժամ հետո, երբ Ֆրանսիայի Ազգային ժողովը հավանություն տվեց սահմանադրական բարեփոխմանը, որն իշխանությունների եւ անձամբ նախագահ Օլանդի կողմից նախաձեռնվել Էր Փարիզում նոյեմբերյան ահաբեկչական գործողություններից հետո: Առաջարկված օրինագծերը միտված են ահաբեկչության դեմ պայքարն ավելի արդյունավետ դարձնելուն:
Բարեփոխումը ենթադրում Է երկու հանգուցային նորամուծություն՝ Ֆրանսիայի քաղաքացիությունից այն անձանց զրկելու հնարավորությունը, ովքեր մասնակցել են ահաբեկչական գործունեության, եւ Սահմանադրության մեջ կառավարության կողմից երկրում արտակարգ դրություն սահմանելու հնարավորության վերաբերյալ դրույթի ներառումը (ներկայում դրա համար պահանջվում Է նախագահի հատուկ դեկրետը), հաղորդել Է ՏԱՍՍ-ը: