Սաուդյան Արաբիան և դաշնակիցները պատրաստվում են 150 հազար զինծառայողներ ուղարկել Սիրիա ԻՊ-ի դեմ պայքարելու համար
1 րոպեի ընթերցում
![Սաուդյան Արաբիան և դաշնակիցները պատրաստվում են 150 հազար զինծառայողներ ուղարկել Սիրիա ԻՊ-ի դեմ պայքարելու համար](http://armenpress.am/resized/480/static/news/b/2016/02/834804.jpg)
ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Սաուդյան Արաբիան և իր դաշնակիցները պատրաստվում են մինչև 150 հազար զինծառայողներ ուղարկել Սիրիա` «Իսլամական պետության» դեմ պայքարելու համար: Ինչպես հաղորդում է «Արմենպրես»-ը, այս մասին տեղեկացրել է CNN-ի աղբյուրը: Նշվում է, որ զինվորականների պատրաստվածությունն անցկացվում է Սաուդյան Արաբիայի տարածքում, որին մասնակցում են ինչպես տեղի զինվորականները, այնպես էլ Եգիպտոսի, Սուդանի ու Հորդանանի:
Սաուդյան Արաբիայի Պաշտպանության նախարարի խորհրդական Ահմեդ Ասիրին հայտարարել էր, որ իրենք պատրաստ են զինվորներ ուղարկել Սիրիա «Իսլամական պետության» դեմ ցամաքային գործողություններ իրականացնելու համար:
Լուսանկարը` AP