Հարավկորեական կոսմետիկան աշխարհում մեծ հեղինակություն է ձեռք բերում

ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ/ՅՈՆՀԱՓ: Մաշկի խնամքի կորեական միջոցները և կոսմետիկան ամբողջ աշխարհում սկսել են մեծ հեղինակություն վայելել: Դրանց հաջողությունը պայմանավորված է բնական բարձրորակ բաղադրիչներով, որոնք արդյունավետ կերպով բարելավում են մաշկը:

Ինչպես տեղեկացնում է «Արմենպրես»-ի գործընկեր Yonhap հարավկորեական գործակալությունից, այդ արտադրանքների հաջողության մյուս գրավականն էլ դրանց մատչելի արժեքն է:

Միջազգային մամուլը ևս արդեն արձանագրել է այդ կոսմետիկայի հեղինակության աճը: Մասնավորապես NBC-ն գրել է, որ հարավկորեական այդ արտադրանքներն ամերիկյան խանութներում մեծ ճանաչում են գտել: