Քրդերի անկախություն հայտարարելու ժամանակը հասունացել է. Բարզանի
1 րոպեի ընթերցում
![Քրդերի անկախություն հայտարարելու ժամանակը հասունացել է. Բարզանի](http://armenpress.am/resized/480/static/news/b/2016/02/834364.jpg)
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Հյուսիսիրաքյան քրդական ինքնավարության առաջնորդ Մասութ Բարզանին հայտարարել է, որ Քրդերի անկախություն հայտարարելու ժամանակը հասունացել է:
Ինչպես հաղորդում է «Արմենպրես»-ը` վկայակոչելով տարածաշրջանի Rudaw TV հեռուստաալիքը, նշելով, որ անկախության համար հանրաքվե անցկացնելը քրդերի ամենաբնական իրավունքն է, Բարզանին ասել է, որ իրենց պետությունը ստեղծելու համար քրդերը որեւէ մեկից թույլտվություն խնդրելու կարիք չունեն:
Բարզանին նշել է, որ յուրաքանչյուր ժողովուրդ սեփական ճակատագիրը կերտելու իրավունք ունի:
«Եթե քրդերը չձեռնարկեն այդ գործը, ապա ուրիշները երբեք չեն ճանաչի նրանց ինքնորոշման իրավունքը: Այժմ ամենաճիշտ ժամանակն է, որպեսզի քուրդ ժողովուրդն ինքնորոշվի: Քրդերն իրենց անկախ պետությունը ստեղծելու համար ոչ մեկի թույլտվության կարիքը չունեն», -ասել է նա:
Իրաքցի քրդերի առաջնորդն ընդգծել է, որ քանի դեռ քրդերի իրավունքներն անտեսվում են, տարածաշրջանում խաղաղություն չի կարող լինել: