368.59
Ռուսաստանը Սու-35Ս նորագույն կործանիչներ Է ուղարկել Սիրիա
1 րոպեի ընթերցում
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Ռուսաստանի Գլխավոր շտաբի ղեկավարությունը որոշում Է կայացրել առաջին անգամ մարտական պայմաններում փորձարկել Սու-35Ս նորագույն կործանիչները: Ինչպես տեղեկացնում Է «Արմենպրես»-ը, փետրվարի 1-ին այդ մասին հաղորդել Է «Կոմերսանտը»՝ վկայակոչելով սեփական աղբյուրը:
Ինչպես նշել Է հրատարակությունը, դրա համար Սիրիայի Լաթաքիայի «Խմեյմիմ» ավիաբազա են տեղափոխվել չորս կործանիչներ, որոնք ՌԴ-ի ռազմատիեզերական ուժերին Է հանձնել Ամուրի Կոմսոմոլսկի գործարանը:
Ինքնաթիռները, անցնելով Կասպից ծովի, Իրանի եւ Իրաքի տարածքի վրայով, հասել են Լաթաքիա:
Որոշումն ընդունվել Է Թուրքիայի հետ հարաբերությունների սրման ֆոնին: Թուրքիայի իշխանությունները Ռուսաստանի ռազմատիեզերական ուժերին հերթական անգամ մեղադրել են իրենց օդային տարածության խախտման մեջ: Ռուսական կողմը ժխտում Է խախտման փաստը: Այս առնչությամբ Թուրքիայի նախագահ Ռեջեփ Էրդողանը ցանկացել Է հանդիպել Վլադիմիր Պուտինի հետ, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում