ԱՄՆ-ում ընկերություններին կպարտավորեցնեն հրապարակել տղամարդկանց ու կանանց աշխատավարձի տվյալները

ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի կառավարությունը օրինագիծ Է մշակել, որի համաձայն՝ ընկերությունները պարտավոր կլինեն տեղեկատվություն հրապարակել արական եւ իգական սեռի աշխատակիցների միջին աշխատավարձերի վերաբերյալ: Այդ մասին, ինչպես տեղեկացնում Է «Արմենպրես»-ը, գրել Է The Wall Street Journal-ը:

Այս կերպ երկրի իշխանությունները հույս ունեն նպաստել գենդերային անհավասարության վերացմանը, որը դրսեւորվում Է կին աշխատակիցների՝ նույն պաշտոնն զբաղեցնող տղամարդ-գործընկերների համեմատությամբ ավելի ցածր աշխատավարձերով:

Ենթադրվում Է, որ այս օրենքը կկիրառվի ամերիկյան բոլոր ընկերությունների նկատմամբ, որոնց հաստիքացուցակը 100-ից ավելի մարդ Է ընդգրկում: Առաջիկա երկու ամսում կանցկացվեն օրինագծի հանրային քննարկումներ, ընդ որում՝ դրա համար Կոնգրեսի հավանությունը չի պահանջվում:

WSJ-ն նշում Է, որ գենդերային անհավասարության դեմ պայքարն ԱՄՆ-ի նախագահ Բարաք Օբամայի քաղաքական ծրագրի կարեւոր բաղադրիչն Է: Այդուամենայնիվ, կանաք առաջվա պես տղամարդկանց վաստակած 1 դոլարի դիմաց ստանում են 79 ցենտ, ինչն ընդամենը 2 ցենտով Է ավելի, քան 2008 թվականին, երբ Օբաման եկավ իշխանության, հաղորդել Է «Ինտերֆաքս»-ը: