Ուելսում միգրանտներին հաշվառել են փայփլուն թեւնոցներով
1 րոպեի ընթերցում
![Ուելսում միգրանտներին հաշվառել են փայփլուն թեւնոցներով](http://armenpress.am/resized/480/static/news/b/2016/01/833293.jpg)
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Բրիտանական Ուելսում արտասահմանից փախստականներին տալիս են հատուկ փայլփլուն թեւնոցներ, որոնք անվճար կերակուր ստանալու իրավունք են տալիս: Այս մասին, ինչպես տեղեկացնում Է «Արմենպրես»-ը, հաղորդել Է BBC News-ը: Շատ միգրանտներ դա համարում են անմարդկային եւ գանգատվում են, որ դրա պատճառով իրենք վիրավորանքների օբյեկտ են դառնում:
«Նման համակարգը շատ դժվար Է հասկանալ եւ նորմալ ու ազնիվ համարել: Ես ցնցված եմ տեղի ունեցածից»,- իրադրությունը մեկնաբանել Է Ուելսում Պահպանողական կուսակցության առաջնորդ Էնդրյու Դեւիսը:
Clearsprings մասնավոր ընկերությունում, որն իշխանությունների պատվերով կերակուր Է մատակարարում միգրանտներին, խոստացել են փոխել աշխատանքի կարգը եւ այլ համակարգ ստեղծել գաղթականների ժամանակավոր տեղավորման կետերում ապրողների հաշվառման համար: