Լիբիայում ԻՊ-ի զինյալների նոր գրոհներից հետո այրվում են նավթամբարները

ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Լիբիայի հյուսիսում գտնվող Ռաս Լանուֆ քաղաքում (մայրաքաղաք Տրիպոլիից մոտավորապես 650 կմ արեւելք ընկած շրջանում) «Իսլամական պետություն ահաբեկչական խմբավորման զինյալների կողմից հունվարի 21-ի առավոտյան ձեռնարկված նոր գրոհներից հետո այրվում են նավթի պահեստարանները: Այդ մասին, ինչպես տեղեկացնում Է «Արմենպրես»-ը, հաղորդել Է Լիբիայի ազգային նավթընկերությունը:

Նրա տվյալներով՝ մարտերը վերսկսվել են լուսաբացին: ԻՊ-ի ջոկատները նավթային օբյեկտներին տիրելու հերթական փորձն են ձեռնարկել: «Անմշակ նավթի պահեստարաններում մոլեգնում Է հրդեհը»,- նշել են ընկերությունում:

Նաեւ հաղորդումներ են ստացվում Էլեկտրահաղորդման մի քանի գծերի հենասյուների տապալման մասին, որոնցով ԷլեկտրաԷներգիա Է մատկարարվում Ռաս Լանուֆի բնակելի ու արտադրական թաղամասերին, հաղորդել Է ՏԱՍՍ-ը: