Մոսկվան տվյալներ ունի, որ Թուրքիայի տարածքով մեծ ծավալի աֆղանական հերոին Է փոխադրվում ԵՄ-ի երկրներ
1 րոպեի ընթերցում
![Մոսկվան տվյալներ ունի, որ Թուրքիայի տարածքով մեծ ծավալի աֆղանական հերոին Է փոխադրվում ԵՄ-ի երկրներ](http://armenpress.am/resized/480/static/news/b/2015/12/829821.jpg)
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Ռուսաստանի Թմրանյութերի շրջանառության վերահսկողության դաշնային ծառայությունը տվյալներ ունի այն մասին, որ ՌԴ-ում արգելված «Իսլամական պետություն» ահաբեկչական կազմակերպությունը մեղսակից Է Թուրքիայի տարածքով աֆղանական հերոինի տարանցմանը, տեղեկացնում Է «Արմենպրես»-ը՝ հղում անելով ՏԱՍՍ-ին:
«ԴԱԻՇ»-ի զինյալները վերահսկում են որոշակի տարածք, որտեղ ներկայում գործում Է ռուսական օդուժը, եւ նրանք մինչեւ գործողության սկսվելն իրենց շատ ազատ Էին զգում: Նրանց եկամուտների աղբյուրներից մեկը թմրանյութերի փոխադրումն Էր»,- դեկտեմբերի 16-ին լրագրողներին հայտարարել Է Թմրանյութերի շրջանառության վերահսկողության դաշնային ծառայության ղեկավար Վիկտոր Իվանովը:
Նա նշել Է, որ Թուրքիայի տարածքով մեծ ծավալի աֆղանական հերոին Է փոխադրվում ԵՄ-ի երկրներ:
Լուսանկարը` EPA