Նոր ողբերգություն Ֆրանսիայում. երկաթուղային մահաբեր վթարի մասին տեղեկությունները հաստատվում են

ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Ֆրանսիայի արևելքում ռելսերից դուրս է եկել և շրջվել արագընթաց TGV տեսակի գնացքը: Ինչպես հաղորդում է «Արմենպրես»-ը, վկայակոչելով Reuters գործակալության տեղեկությունները, զոհվել է առնվազն 7 և վիրավորվել 11 մարդ: Միջադեպը տեղի է ունեցել Ստրասբուրգից ոչ հեռու գտնվող Էքվեշեմ քաղաքի մոտակայքում: Ըստ գործակալության նախնական տեղեկությունների, վթարի պատճառը կարող էր լինել արագության գերազանցումը, սակայն հայտի չէ, թե ինչու է գնացքն ընթացել այդ արագությամբ: