1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: ՌԴ նախագահի օգնական Յուրի Ուշակովը հայտնել Է, որ Վլադիմիր Պուտինը նոյեմբերի 23-ին կայցելի Իրան՝ մասնակցելու Գազ արտահանող երկրների համաժողովին, տեղեկացնում Է «Արմենպրես»-ը՝ հղում անելով ՌԻԱ Նովոստիին:
Ուշակովը նշել Է, որ նախատեսված են Պուտինի երկկողմ շփումները մասնակից երկրների ղեկավարների հետ:
«Մենք պատրաստվում ենք մասնակցել Գազ արտահանող երկրների ֆորումի գագաթնաժողովին, որը նոյեմբերի 23-ին տեղի Է ունենալու Թեհրանում, եւ ակներեւ Է Ռուսաստանի մասնակցությունը բարձր մակարդակով, մեր նախագահը կմեկնի այնտեղ»,-ասել Է Ուշակովը լրագրողներին:
Դրա հետ մեկտեղ նա չի բացառել երկկողմ շփումների հնարավորությունը, հավելելով, որ այցը տեւելու Է մեկ օր: