Գլոբալ տաքացումը կհանգեցնի աղքատների թվի աճի. Համաշխարհային բանկ
1 րոպեի ընթերցում
![Գլոբալ տաքացումը կհանգեցնի աղքատների թվի աճի. Համաշխարհային բանկ](http://armenpress.am/resized/480/static/news/b/2015/11/824999.jpg)
ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Այն դեպքում, եթե բավարար միջոցներ չձեռնարկվեն գլոբալ տաքացումը կանխելու համար, մինչեւ 2030 թվականն աշխարհում աղքատների թիվը կարող է ավելանալ 100 միլիոնով: Այդ մասին, ինչպես տեղեկացնում է «Արմենպրես»-ը, ասված է Համաշխարհային բանկի զեկույցում:
Փաստաթղթում նշվում է, որ տաքացման պատճառով Աֆրիկայում սննդամթերքի գները կաճեն մոտավորապես 20 տոկոսով: Բացի այդ, աշխարհում կավելանա միգրատների թիվը:
Ինչպես նշում է BBC-ն, Համաշխարհային բանկի հայտարարությունը հրապարակվել է մթնոլորտ ջերմոցային գազերի արտանետումների կրճատման հարցի շուրջ 70 պետությունների ներկայացուցիչների հանդիպման նախօրեին:
Նոյեմբերի վերջին այդ հարցը քննարկվելու է Փարիզում ՄԱԿ-ի՝ կլիմայի հարցերին նվիրված խորհրդաժողովում: