ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: «Կոգալիմավիա» ավիաընկերությանը պատկանող A321 ինքնաթիռի «սև արկղերում» առկա ձայնագրիչները արձանագրել են պայթյունի ձայնը:
«Ինքնաթիռի «սև արկղերը» ձայնագրել են պայթյունի հստակ ձայն թռիչքի ժամանակ»,- ինչպես հաղորդում է «Արմենպրես»-ը` հղում կատարելով Ինտերֆաքսին` այս մասին հայտնել է France 2-ին հայտնել է անանուն աղբյուրը` հավելելով, որ պայթյունից հետո ինքնաթիռում անջատվել էր էլեկտրականությունը, որի հետևանքով «սև արկղերում» դադարել էր ձայնագրությունը:
Իր հերթին ֆրանսիական ամսագիր Le Point-ը իր կայքում զետեղել է փորձագետներից մեկի հայտարարությունը այն մասին, որ «սև արկղերի» վերծանումը ավարտվել է:
«Կոգալիմավիա» ռուսական ավիաընկերության A321 ինքնաթիռը, որը կատարում էր Շարմ էշ Շեյխ-Սանկտ Պետերբուրգ չվերթը, աղետի է ենթարկվել հոկտեմբերի 31-ին թռիչքից մոտավորապես կես ժամ անց Հյուսիսային Սինայի մարզի վարչական կենտրոն Էլ Արիշ քաղաքից 100 կիլոմետր հարավ ընկած շրջանում՝ Էլ Հասնա բնակավայրի մերձակայքում: Ընդամենն ինքնաթիռում եղել է 217 ուղեւոր եւ անձնակազմի յոթ անդամ: Նրանցից՝ ոչ ոք չի փրկվել: Ուղեւորների մեծամասնությունը ռուսաստանցիներ էին: Ճշտված տվյալներով՝ Եգիպտոսում կործանված ինքնաթիռում եղել են 132 պետերբուրգցիներ, Լենինգրադի մարզի 46 բնակիչներ, Ռուսաստանի այլ տարածաշրջանների 34 բնակիչներ, Ուկրաինայի չորս եւ Բելառուսի մեկ քաղաքացի, հաղորդել Է ՌԻԱ Նովոստին:
Լուսանկարը` Reuters