Եթե Հուսեյնը եւ Քադաֆին այժմ իշխանության գլուխ լինեին, աշխարհն ավելի լավը կլիներ. Թրամփ
1 րոպեի ընթերցում
![Եթե Հուսեյնը եւ Քադաֆին այժմ իշխանության գլուխ լինեին, աշխարհն ավելի լավը կլիներ. Թրամփ](http://armenpress.am/resized/480/static/news/b/2015/10/823292.jpg)
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի նախագահի թեկնածու, միլիարդատեր Դոնալդ Թրամփն այն կարծիքին Է, որ Մերձավոր Արեւելքում անհամեմատ ավելի լավ իրադրություն կլիներ, եթե Իրաքում եւ Լիբիայում չկատարվեին պետական հեղաշրջումներ, տեղեկացնում Է «Արմենպրես»-ը:
«Ես 100 տոկոսով վստահ եմ, որ աշխարհն ավելի լավը կլիներ, եթե Սադամ Հուսեյնը եւ Մուամար Քադաֆին այժմ իշխանության գլուխ լինեին»,- հայտարարել Է Թրամփը CNN հեռուստաալիքին տված հարցազրույցում:
«Նայեք Իրաքին. առաջ այնտեղ ահաբեկիչներ չկային, Հուսեյնը նրանց անհապաղ կոչնչացներ: Իսկ այսօր Իրաքն, ասես, Հարվարդը լինի ահաբեկիչների համար: Ես չեմ ասում, որ Հուսեյնը համակրելի տղա Էր. նա զազրելի տղա Էր, բայց այժմ ամեն ինչ շատ ավելի Է վատացել: Իսկ Լիբիայում ընդհանրապես ոչ ոք չի հասկանում, թե ինչ Է այժմ կատարվում», հաղորդել Է ՌԻԱ Նովոստին:
Լուսանկարը` AP