Հռոմի պապը եւ Իրանի նախագահը հանդիպում կանցկացնեն Վատիկանում
1 րոպեի ընթերցում
![Հռոմի պապը եւ Իրանի նախագահը հանդիպում կանցկացնեն Վատիկանում](http://armenpress.am/resized/480/static/news/b/2015/10/823035.jpg)
ԵՐԵՎԱՆ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Իրանի նախագահ Հասան Ռոուհանին նոյեմբերի 14-ին հանդիպում կունենա Հռոմի Ֆրանցիսկոս պապի հետ: Այդ մասին, ինչպես տեղեկացնում Է «Արմենպրես»-ը, հոկտեմբերի 22-ին հայտնել են Վատիկանում:
Մինչ այդ Իրանի նախագահը Վատիկան Է այցելել 1999 թվականին: Այն ժամանակ Իրանի նախագահի պաշտոնն զբաղեցնող Մոհամադ Խաթամին Վատիկանում հանդիպում Է ունեցել հանգուցյալ Հովհաննես Պողոս Երկրորդի հետ: Դրանից հետո նա 2005 թվականին ժամանել Է Վատիկան՝ մասնակցելու Հովհաննես Պողոս Երկրորդի հուղարկավորությանը:
Լատինամերիկյան հրատարակությունների հաղորդագրությունների համաձայն՝ Իտալիա Ռոուհանիի այցը տեղի կունենա նոյեմբերի 14-15-ին: Ուղեւորության ընթացքում նա կհանդիպի նաեւ Իտալիայի վարչապետ Մատեո Ռենցիի եւ երկրի նախագահ Սերջո Մատարելլայի հետ, հաղորդել Է «Ինտերֆաքս» գործակալությունը: