Թունիսում զբոսաշրջության ճգնաժամի հետևանքով 70 հյուրանոցներ են փակվել
1 րոպեի ընթերցում
![Թունիսում զբոսաշրջության ճգնաժամի հետևանքով 70 հյուրանոցներ են փակվել](http://armenpress.am/resized/480/static/news/b/2015/10/822606.jpg)
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Թունիսում սեպտեմբերից զբոսաշրջիկների թվի կրճատման արդյունքում շուրջ 70 հյուրանոցներ են փակվել: Այս մասին հայտարարել է Թունիսի հյուրանոցների միության ղեկավար Ռուդան Բեն Սալեհը: Ինչպես հաղորդում է«Արմենպրես»-ը, վկայակոչելով skynewsarabia կայքը, նրա խոսքով հաճախորդների թվի նվազման հետևանքով ևս երկու հյուրանոցներ կփակվեն: Սալահն ընդգծել է, որ հյուրանոցային բիզնեսը երկրում ճգնաժամային իրավիճակում, սպասվում է գործազրկության աճ, որն այժմ կազմում է 30 տոկոս: «Հաճախորդների թիվը հյուրանոցներում չի գերազանցում 20 տոկոսը»,- նշել է նա:
Սալահի խոսքով` իշխանությունները մտադիր են ամսական աշխատավարձ վճարել նրանց, ովքեր աշխատանք են կորցրել հյուրանոցների փակման պատճառով:
Ավելի վաղ տեղեկություններ էին ստացվել, որ Թունիսում հանվել է արտակարգ դրության ռեժիմը լողափի վրա հարձակումից հետո: Ահաբեկչական հարձակման հետևանքով 38 զբոսաշրջիկ էր զոհվել, այդ թվում` 30 բրիտանացի: