Ռուսաստանցիների մեծամասնությունը պաշտպանել Է երկրի մասնակցությունը սիրիական գործողությանը
2 րոպեի ընթերցում
![Ռուսաստանցիների մեծամասնությունը պաշտպանել Է երկրի մասնակցությունը սիրիական գործողությանը](http://armenpress.am/resized/480/static/news/b/2015/10/821415.jpg)
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանցիների մեծամասնությունը (72 տոկոս) դրականորեն Է վերաբերվում երկրի օդուժի կողմից Սիրիայում «Իսլամական պետության» (ԻՊ) դիրքերին հարվածներ հասցնելուն: Ինչպես տեղեկացնում Է «Արմենպրես»-ը, այդ մասին վկայում են «Լեւադա-կենտրոնի» հարցման տվյալները, որոնք հրապարակվել են կազմակերպության կայքում:
Գործողությանը ռուս զինվորականների մասնակցության նկատմամբ բացասական վերաբերմունք Է հայտնել հարցման մասնակիցների 14 տոկոսը: Եվս 14 տոկոսը դժվարացել Է պատասխան տալ:
«Ռազմական միջամտությանը հավանություն տալն ավելի շուտ կրում Է դեկլարատիվ բնույթ եւ տեղավորվում Է իշխանությունների գործողություններին ընդհանուր հավանության շրջանակներում, ինչը դիտվում Է վերջին տարիներին, քան թե պատերազմին Ռուսաստանի մասնակցության իրական պաշտպանություն Է: 2015 թվականի սեպտեմբերին ռուսաստանցիների 69 տոկոսը դեմ Էր ինչպես Սիրիայի ղեկավարությանը, այնպես Էլ 2014 թվականին ԴԺՀ-ի եւ ԼԺՀ-ի ղեկավարությանը ուղղակի ռազմական աջակցություն ցուցաբերելուն»,-նշում են «Լեւադա-կենտրոնի» սոցիոլոգները:
Միեւնույն ժամանակ հարցվածների 78 տոկոսը չի բացառում, որ սիրիական հակամարտությունը կարող Է վերաճել Ռուսաստանի համար նոր Աֆղանստանի, 6 տոկոսը չի հավատում դրա հնարավորությանը:
Հարցումն անցկացվել Է հոկտեմբերի 2-ից մինչեւ 5-ը: Դրան մասնակցել Է երկրի 46 տարածաշրջանների 134 բնակավայրերի 1600 քաղաքացիներ:
Ռուսաստանի օդային գործողությունը «Իսլամական պետություն» ահաբեկչական խմբավորման դեմ, որի գործունեությունն արգելված Է Ռուսաստանում, սկսվել Է 2015 թվականի սեպտեմբերի 30-ին:
Հոկտեմբերի 7-ին ԻՊ-ի դիրքերը հրթիռակոծել են ՌԴ-ի ռազմածովային նավատորմի Կասպիական ստորաբաժանման նավերը: