368.54
ՀՀ նախագահ Ռոբերտ Քոչարյանն աշխատանքային հանդիպում է ունեցելբնապահպանության նախարար Ա. Հարությունյանի հետ
1 րոպեի ընթերցում
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Ընդերքի շահագործման եւ ազգային պարկերի հետ կապված խնդիրներ են քննարկվել ՀՀ նախագահ Ռոբերտ Քոչարյանի եւ բնապահպանության նախարար Արամ Հարությունյանի այսօրվա աշխատանքային հանդիպմանը: Ինչպես «Արմենպրեսե-ին տեղեկացրին ՀՀ նախագահի մամլո գրասենյակից, Ռոբերտ Քոչարյանը հանձնարարել է միջազգային փորձի համադրմամբ օրենսդրական փոփոխությունների միջոցով ստեղծել այնպիսի հիմքեր, որոնք հնարավորություն կտան ընդերքի շահագործման ոլորտում առկա խնդիրներին տալ արդյունավետ լուծումներ` տնտեսության զարգացման եւ բնապահպանական նորմատիվները չխախտելու առումով: Խոսվել է Սեւան եւ Դիլիջան ազգային պարկերի կառավարման պլանների մասին, որոնց շուրջ եւս նախագահը տվել է հանձնարարականներ: Քննարկվել են նաեւ բնապահպանության նախարարության ընթացիկ եւ առաջիկա ծրագրերին առնչվող հարցեր:
Բաժանորդագրվեք մեր ալիքին Telegram-ում