Կիմ Չեն Ընը կարգադրել Է տոնի առթիվ աշխատավարձի չափով պարգեւադրամ վճարել ԿԺԴՀ-ի քաղաքացիներին

ԵՐԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ: ԿԺԴՀ-ի առաջնորդ Կիմ Չեն Ընը կարգադրություն Է արել Է ի պատիվ մոտալուտ տոնի դրույքի 100 տոկոսի չափով պարգեւադրամ վճարել երկրի քաղաքացիներին: Ինչպես սեպտեմբերի 25-ին հաղորդել Է Կորեայի կենտրոնական հեռագրական գործակալությունը (ԿԿՀԳ), Կորեայի աշխատանքային կուսակցության (ԿԱԿ) հիմնադրման 70-րդ տարեդարձի առթիվ այն կարող են ստանալ զինվորականները, աշխատող քաղաքացիները, ուսանողները եւ թոշակառուները, տեղեկացնում Է «Արմենպրես»-ը:

Ավելի վաղ նշանակալից տարեթվերի առթիվ հյուսիսկորեացիները սովորաբար ստանում Էին զանազան նվերներ, ինչպիսիք են ծածկոցները կամ պատի ժամացույցները: ԿԿՀԳ-ի հաղորդագրության համաձայն՝ «պարգեւավճարը քաղաքացիներին տրվում Է նրանց նվիրվածության եւ Կորեայի աշխատանքային կուսակցությանը հավատարիմ ծառայության համար»:

Կորեայի աշխատանքային կուսակցության ստեղծման տարեթիվը համարվում Է 1945 թվականի հոկտեմբերի 10-ը: Այդ օրը Կորեայի Ժողովրդադեմոկրատական Հանրապետության գլխավոր պետական տոներից մեկն Է, հաղորդել Է ՏԱՍՍ-ը: