Հասարակական

Արդարադատության ակադեմիան գործարկեց իր պաշտոնական կայքէջը

5 րոպեի ընթերցում

Արդարադատության ակադեմիան գործարկեց իր պաշտոնական կայքէջը

ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Արդարադատության ակադեմիայում սեպտեմբերի 17-ին տեղի ունեցավ Արդարադատության ակադեմիայի կայքէջի(www.justiceacademy.am) բացման հանդիսավոր արարողությունը:

«Արդարադատության ակադեմիայի կայքէջը մշակվել է «Հայաստանի արդարադատության համակարգի անկախության, պրոֆեսիոնալիզմի և հաշվետվողականության ամրապնդումը» Եվրամիության և Եվրոպայի խորհրդի համատեղ ծրագրի շրջանակներում: Մենք բոլորս շատ լավ հասկանում ենք, թե 21-րդ դարում ինչպիսի կարևորություն ունեն կայքերը: Այդ պատճառով ես համոզված եմ, որ այս առաջընթաց քայլը կնպաստի, որ այս կայքէջը իր շահառուներին տրամադրի դատավորների և դատախազների միջև հաղորդակցության ամրապնդման համար առավել մեծ հնարավորություններ և Արդարադատության ակադեմիայի հեռաուսուցման դասընթացների իրականացման առցանց հարթակ»,- «Արմենպրես»-ի հաղորդմամբ` այս մասին հայտնեց Երևանում Եվրոպայի խորհրդի գրասենյակի ղեկավար Նատալյա Վուտովան:

«Հայաստանի արդարադատության համակարգի անկախության, պրոֆեսիոնալիզմի և հաշվետվողականության ամրապնդումը» ծրագիրը մինչև 2016 թվականի մայիսը Արդարադատության նախարարությանը, դատական իշխանությանը, Արդարադատության ակադեմիային և Փաստաբանական դպրոցին տրամադրելու է իրավական ակտերի մշակմանն, ինչպես նաև այս կառույցների ինստիտուցիոնալ և կարողությունների զարգացմանն ուղղված աջակցություն. Արդարադատության ակադեմիայի կայքէջի բացումը այդ ծրագրի բաղադրիչներից մեկն է:

Հայաստանի Արդարադատության ակադեմիայի ռեկտոր Ռուբեն Մելիքյանը նկատեց, որ պաշտոնական կայքէջը նախևառաջ ապահովելու է ակադեմիայի գործունեության հրապարակայնությունը: «Մեր կայքէջի գործարկմամբ մեկնարկում է դատավորների և դատախազների հեռաուսուցման եղանակով վերապատրաստման դասընթացը, որը մենք իրականացրեցինք մեր գործընկերների օգնությամբ: Մենք հետագայում անպայման զարգացնելու ենք այս ուղղությունը` հաշվի առնելով նաև այն արդյունքները, որը մենք կունենանք այս ծրագրի առաջին դասընթացների արդյունքում` մոտավորապես ընթացիկ տարվա դեկտեմբերին»,-շեշտեց նա:

Արդարադատության ակադեմիայի կայքէջի բացման հանդիսավոր արարողությանը ներկա էին նաև Արդարադատության ակադեմիայի կառավարման խորհրդի անդամներ` ՀՀ արդարադատության նախարարի առաջին տեղակալ Արսեն Մկրտչյանը, ՀՀ վարչական վերաքննիչ դատարանի նախագահ Հովսեփ Բեդևյանը և ՀՀ-ում Եվրամիության պատվիրակության անդամ ու «Հայաստանի արդարադատության համակարգի անկախության, պրոֆեսիոնալիզմի և հաշվետվողականության ամրապնդումը» ծրագրի ղեկավար Դավիթ Ավագյանը:

Իր հերթին Արդարադատության ակադեմիայի հեռաուսուցման վարչության պետ Արտաշես Խուրշուդյանը, ներկայացնելով կայքէջի կառուցվածքն, ընդգծեց, որ դատավորների և դատախազների հեռաուսուցման եղանակով վերապատրաստման դասընթացը իրականացվելու է կայքէջի «Հեռաուսուցում» բաժնի միջոցով , որտեղ առկա են «Ժամանակի և սթրեսի կառավարում» և «Փաստարկում և հռետորիկա» դասընթացի նյութերը: «Յուրաքանչյուր դասընթաց բաղկացած է տասը դասերից: Մեր ակադեմիան մշակել է հեռաուսուցման իր ուրույն մեթոդոլոգիան, որն առանձնանում է իր մատչելիությամբ, և, ունենալով համակարգչային տարրական գիտելիքներ, վերապատրաստվողները կարող են արդյունավետորեն մասնակցել հեռաուսուցման դասընթացներին»,- հայտնեց նա` հավելելով, որ «Հեռաուսուցում» բաժնում առկա են նաև մոտիվացնող ներածական տեսանյութեր:

Արդարադատության ակադեմիան հիմնադրվել է ՀՀ Կառավարության 2013թ. սեպտեմբերի 13-ի N990-Ա որոշմամբ ևՀՀ Նախագահի կողմից հաստատված իրավական և դատական բարեփոխումների 2012-2016թթ. ռազմավարական ծրագրի շրջանակում: Ակադեմիայի հիմնադիրը Հայաստանի Հանրապետությունն է։ Հիմնադրի անունից հանդես եկող պետական լիազոր մարմինը Արդարադատության նախարարությունն է: Արդարադատության ակադեմիայի գործունեության կանոնակարգման համար 2013թ. մայիսի 2-ին ընդունվել է «Արդարադատության ակադեմիայի մասին»ՀՀ օրենք, ըստ որի Ակադեմիային է վերապահված դատական և դատախազական համակարգերի համար կադրերի պատրաստման և վերապատրաստման գործառույթները:

Արդարադատության ակադեմիան իր բուն գործունեությունը սկսել է 2014թ. հունվարի 1-ից:

Ճարտարապետական ամառային դպրոց՝ Շիրակի մարզում

Կրթություն

Ճարտարապետական ամառային դպրոց՝ Շիրակի մարզում

ՀՀ ԲՏԱ նախարար Հայրապետյանը մասնակցել է Պոլիտեխնիկական համալսարանի շրջանավարտների ավարտական երեկոյին

Կրթություն

ՀՀ ԲՏԱ նախարար Հայրապետյանը մասնակցել է Պոլիտեխնիկական համալսարանի շրջանավարտների ավարտական երեկոյին

ՅՈՒՆԵՍԿՕ-ի պատվիրակությունն այցելել է ՀՀ կրթական և մշակութային մի շարք հաստատություններ

Կրթություն

ՅՈՒՆԵՍԿՕ-ի պատվիրակությունն այցելել է ՀՀ կրթական և մշակութային մի շարք հաստատություններ

Լողի անվճար դասեր՝ մարզերում. շուտով կհայտարարվի մրցույթ

Սպորտ

Լողի անվճար դասեր՝ մարզերում. շուտով կհայտարարվի մրցույթ

ՀՀ ԿԳՄՍ նախարարն ընդունել է ՅՈՒՆԵՍԿՕ-ի գլխավոր տնօրենի կրթության հարցերով տեղակալին

Կրթություն

ՀՀ ԿԳՄՍ նախարարն ընդունել է ՅՈՒՆԵՍԿՕ-ի գլխավոր տնօրենի կրթության հարցերով տեղակալին

Մշա­կու­թա­յին արժեքների փորձաքննություն անցկացնող 9 մասնագետ հավատարմա­գրվել է

Կրթություն

Մշա­կու­թա­յին արժեքների փորձաքննություն անցկացնող 9 մասնագետ հավատարմա­գրվել է

Մեկնարկել է նոր մագիստրոսական ծրագիր՝ միտված շրջակա միջավայրի վրա ձկնային տնտեսությունների բացասական ազդեցությունը նվազեցնելուն

Կրթություն

Մեկնարկել է նոր մագիստրոսական ծրագիր՝ միտված շրջակա միջավայրի վրա ձկնային տնտեսությունների բացասական ազդեցությունը նվազեցնելուն

Կառավարությունը հաստատեց «Հայոց պատմություն» առարկան «Հայաստանի պատմություն» անվանմամբ վերափոխելու նախագիծը

Կրթություն

Կառավարությունը հաստատեց «Հայոց պատմություն» առարկան «Հայաստանի պատմություն» անվանմամբ վերափոխելու նախագիծը

ԱՄՆ-ի տարբեր նահանգներից Հայաստանում վերապատրաստվող ուսուցիչներն իրենց երկրում կդասավանդեն Հայոց ցեղասպանության պատմությունը

Կրթություն

ԱՄՆ-ի տարբեր նահանգներից Հայաստանում վերապատրաստվող ուսուցիչներն իրենց երկրում կդասավանդեն Հայոց ցեղասպանության պատմությունը

Հայաստանն ու Ռումինիան կշարունակեն համագործակցությունը կրթության ոլորտում

Կրթություն

Հայաստանն ու Ռումինիան կշարունակեն համագործակցությունը կրթության ոլորտում

Հայաստանում դպրոցների տնօրենների ընտրությունը կիրականացվի նոր եղանակով

Կրթություն

Հայաստանում դպրոցների տնօրենների ընտրությունը կիրականացվի նոր եղանակով

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում