2 րոպեի ընթերցում
ԵՐԵՎԱՆ, 16 ՍԵՊՏԵՄԲԵՐԻ, ԱՐՄԵՆՊՐԵՍ: Disney ստուդիան YouTube-ում հրապարակել Է «Ջունգլիների գիրքը» ֆիլմի պաշտոնական թրեյլերը՝ Ռեդյարդ Քիփլինգի պատմվածքների մոտիվներով: Մաուգլիի դերը խաղացել Է Նիլ Սեթին: Ժապավենը, որը նկարահանվել Է արկածային դրամայի ժանրով, պետք Է Էկրան բարձրանար 2016 թվականի աշնանը, բայց ընկերությունը որոշել Է այն թողարկել մեկ տարի ավելի ուշ:
Նիլ Սեթին միակ մարդն Է, որը հայտնվում Է կադրում: Կինոնկարի բոլոր կենդանիները եւ թռչունները ստեղծվել են համակարգչային գրաֆիկայի օգնությամբ: Հերոսների՝ կենդանիների հնչունավորման համար հրավիրել են դերասաններ Բիլ Մյուրեյին (արջ Բալու), Սքառլեթ Յոհանսոնին (օձ Կաա), Քրիստոֆեր Ուոքենին (կապիկների թագավոր Լուի), Իդրիս Էլբուին (վագր Շերհան) եւ Բեն Քինգսլիին (ընձառյուծ Բագիրա):
«Ջունգլիների գրքի» ռեժիսորը Էնդրի Սերքիսն Է: Նա լայն ճանաչում Է ստացել որպես դերասան, որը motion capture տեխնոլոգիայի օգնությամբ «կենդանացնում Է» համակարգչի վրա նկարված ֆիլմերի գործող անձնանց: Այսպես, հենց Սերքիսն Է խաղացել Գոռլումի դերը «Մատանիների տիրակալ»-ում եւ «Հոբիթ»-ում:
«Ջունգլիների գիրքը» պատմվածքների ժողովածուն Էկրանավորվել Է ոչ հաճախ: Disney ստուդիան գրքի հիման վրա երկու լիամետրաժ մուլտֆիլմ Է նկարահանել 1967 եւ 2003 թվականներին: Ռուսաստանցի հանդիսատեսին հայտնի «Մաուգլին» ստեղծվել Է 1967-1971 թվականներին: