«Գահերի խաղը» սերիալը ռեկորդ Է սահմանել 173 երկրներում դրվագներից մեկի միաժամանակյա ցուցադրմամբ
2 րոպեի ընթերցում
ԵՐԵՎԱՆ, 1ՍԵՊՏԵՄԲԵՐԻ, ԱՐՄԵՆՊՐԵՍ: «Գահերի խաղը» հեռուստասերիալը համաշխարհային ռեկորդ Է սահմանել աշխարհի 173 երկրներում դրվագներից մեկի միաժամանակյա ցուցադրմամբ: Ռեկորդը ճանաչվել Է «Գիննեսի ռեկորդների գրքի» հատուկ կոմիտեի կողմից եւ կընդգրկվի դրա հերթական հրատարակության մեջ, որը վաճառքում կհայտնվի սեպտեմբերի 10-ին, տեղեկացնում Է «Արմենպրես»-ը:
Սերիալի երկրորդ Էպիզոդը՝ «Սեւ-սպիտակ տունը», 2015 թվականի ապրիլի 19-ին միաժամանակ ցուցադրվել Է 173 երկրներում: Դրանով իսկ գերազանցվել Է նախորդ ռեկորդը, որը սահմանվել Էր «C.S.I: Հանցագործության վայրը» հեռուստասերիալի Էպիզոդով՝ միաժամանակ ցուցադրվելով 171 երկրներում:
«Սերիալի նոր Էպիզոդները հնարավորինս մեծ թվով երկրներում ցուցադրելու որոշումը դարձել Է դրա ստեղծողների փորձը՝ թույլ չտալու «Գահերի խաղի» անօրինական ներբեռնման տարածումը»,-սեպտեմբերի 1-ին նշել Է կալիֆոռնիական KTLA հեռուստաալիքը:
«Գահերի խաղը» ավելի վաղ «Գիննեսի ռեկորդների գրքում» ներառվել Է որպես սերիալ, որը մյուսներից ավելի շատ ապօրինի ներբեռնումներ Է արձանագրել: Այսպես, հինգերորդ սեզոնը, որը ցուցադրվել Էր ընթացիկ տարում, անօրինականորեն ներբեռնվել Է 13 միլիոն անգամ:
«Գահերի խաղը» սերիալն ստեղծվել Է ամերիկյան HBO հեռուստաալիքի պատվերով: Նրա առաջին Էպիզոդը ցուցադրվել Է 2011 թվականի գարնանը:
Այժմ ընթանում Է սերիալի վեցերորդ սեզոնի նկարահանման աշխատանքը, որը կցուցադրվի 2016 թվականին, հաղորդել Է ՏԱՍՍ-ը: