Իրանը կարող է կրկնակի ավելացնել գազի մատակարարումը հարևան երկրներ, այդ թվում` Հայաստան

ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Իրանը գործարկել է գազի համալիր մշակման կայանք, որը թույլ կտա ավելի քան կրկնակի ավելացնել բնական գազի մատակարարումը Կովկասյան շրջանի և Անատոլիայի երկրներ: «Արմենպրես»-ի փոխանցմամբ` այս մասին հայտնել է PressTV-ն, որի տվյալներով` սա թույլ կտա ավելացնել իրանական գազի արտահանումը այնպիսի երկրներ, ինչպիսիք են Թուրքիան, Հայաստանը, Ադրբեջանն` օրեկան 24-ից մինչև 56 միլիոն խորանարդ մետր:

«ՌԻԱ Նովոստի»-ն գրում է, որ Իրանական ինժեներական ընկերության նավթային արդյունաբերության գծով տեխնիկական տնօրենի հայտարարության համաձայն` գազի համալիր պատրաստման կայանքը թույլ կտա իրանական գազի մուտքն այդ երկրներ հասցնել օրեկան մինչև 60 միլիոն խորանարդ մետր: