398.84
Աշոտ Ղուլյանն ընդունել է Կարեն Անդրեասյանի գլխավորած պատվիրակությանը
1 րոպեի ընթերցում
ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: ԼՂՀ Ազգային ժողովի նախագահ Աշոտ Ղուլյանն օգոստոսի 20-ին ընդունել է ՀՀ մարդու իրավունքների պաշտպան Կարեն Անդրեասյանի գլխավորած պատվիրակությանը: Ինչպես «Արմենպրես»-ին տեղեկացրին ԼՂՀ Ազգային ժողովի մամուլի ծառայությունից, ողջունելով ներկաներին` ԼՂՀ Ազգային ժողովի նախագահը հույս է հայտնել, որ ՀՀ պատվիրակության առաջին հանդիպումը պետական կառույցների և հասարակական կազմակերպությունների ներկայացուցիչների հետ պատկերացում կտա Արցախում մարդու իրավունքների պաշտպանության ընդհանուր իրավիճակի և վերջին տարիներին այդ ոլորտում արձանագրված հաջողությունների մասին:
ՀՀ մարդու իրավունքների պաշտպանն ընդգծել է Ազգային ժողովի, որպես պետական համակարգի կարևոր ինստիտուտի դերակատարությունը` նշելով, որ քաղաքացիներն աստիճանաբար պետք է զգան օրենսդիր մարմնի ազդեցությունը: Քննարկմանը կողմերը կարևորել են երկու հանրապետությունների Մարդու իրավունքների ինստիտուտների համագործակցության հնարավոր ուղիները և աշխատանքների համակարգման անհրաժեշտությունը:
Հանդիպմանը ներկա են եղել նաև ԼՂՀ մարդու իրավունքների պաշտպան Յուրի Հայրապետյանը և ԼՂՀ ԱԺ պետական-իրավական հարցերի մշտական հանձնաժողովի նախագահ Հովիկ Ջիվանյանը:
Բաժանորդագրվեք մեր ալիքին Telegram-ում