366.2
Թուրքական բանակի ղեկավարության շարքերում կադրային փոփոխություններ կլինեն
1 րոպեի ընթերցում
ԵՐԵՎԱՆ, 5 ՕԳՈՍՏՈՍԻ, ԱՐՄԵՆՊՐԵՍ: Թուրքիայի վարչապետ Ահմեթ Դավութօղլուի նախագահությամբ անցկացված Բարձրագույն ռազմական խորհրդի նիստում մեծապես որոշակիացվել է այդ երկրի զինված ուժերի նոր ղեկավար անձնակազմը:
Ինչպես հաղորդում է «Արմենպրես»-ը` վկայակոչելով «Անատոլու» լրատվական գործակալությունը, թոշակի անցնող գլխավոր շտաբի պետ Նեջդեթ Օզելի փոխարեն այդ պաշտոնում կնշանակվի ցամաքային զորքերի հրամանատար Հուլուսի Աքարը: Ցամաքային զորքերի նոր հրամանատար կնշանակվի Առաջին բանակի հրամանատար Զեքի Չոլաքը:
Ծովային եւ օդային ուժերի հրամանատարների պաշտոնավարման ժամկետները մեկ տարով կերկարացվեն: Աբդուլլահ Աթայի թոշակի անցնելու կապակցությամբ Ժանդարմերիայի հրամանատար կնշանակվի Էգեյան բանակի հրամանատար Գալիբ Մենդինին:
Բարձրագույն ռազմական խորհրդի նիստը կավարտվի օգոստոսի 5-ին: Հավաքում ընդունված որոշումները կհրապարկվեն երկրի նախագահ Ռեջեփ Թայիփ Էրդողանին ներկայացվելուց հետո: Որոշումներն ուժի մեջ կմտնեն Էրդողանի ստորագրելուց անմիջապես հետո:
Բաժանորդագրվեք մեր ալիքին Telegram-ում