1 րոպեի ընթերցում
ՍԱՆԿՏ ՊԵՏԵՐԲՈՒՐԳ, 25 ՀՈՒԼԻՍԻ, ԱՐՄԵՆՊՐԵՍ: ՈՒԵՖԱ-ի նախագահ Միշել Պլատինին հայտարարել է, որ կցանկանար կրկին ֆուտբոլիստ դառնալ, որպեսզի մասնակցեր 2018թ. ֆուտբոլի աշխարհի առաջնությանը: Ինչպես հաղորդում է «Արմենպրես»-ը վկայակոչելով ՏԱՍՍ-ը, այս մասին Պլատինին հայտարարել է Սանկտ-Պետերբուրգում ընթացող ՖԻՖԱ-ի սեմինարի ժամանակ:
«Կցանկանայի երիտասարդանալ 30 տարով, հաղթահարել որակավորման խաղերն ու խաղալ Ռուսաստանում կայանալիք ֆուտբոլի աշխարհի առաջնությանը»,- ասել է Պլատինին` կոչ անելով հավաքականներին խաղաղ հաճույքով:
«Մեզ նվիրեք անմոռանալի զգացողություններ, ստիպեք մեզ երազել»,- նշել է նա:
Ֆուտբոլի աշխարհի առաջնությանը նախնական վիճակահանությունը կկայանա հուլիսի 25-ի երեկոյան Սանկտ պետերբուրգում: