ԵՐԵՎԱՆ, 19 ՀՈւԼԻՍԻ, ԱՐՄԵՆՊՐԵՍ: Բիտանիայի կառավարությունը և զինված ուժերն ԻՊ-ի դեմ պայքարելու համար «անելու են ավելին»: «Արմենպրես»-ի հաղորդմամբ` ինչպես տեղեկացնում է ՏԱՍՍ-ը, նման հայտարարությամբ է հանդես եկել Միացյալ Թագավորության կառավարության ղեկավար Դևիդ Քեմերոնը:
Վարչապետը խոստացել է ԱՄՆ-ին օգնել վերացնելու խմբավորումը, որը ներկա պահին կարողացել է գրավել Սիրիայի և Իրաքի զգալի հատվածները: «Մենք հաստատակամ ենք այն հարցում, որ պետք է ԱՄՆ-ի հետ միասին վերացնենք այդ երկու երկրներում հաստատված խալիֆայությունը»,-ընդգծել է Քեմերոնը:
Նրա խոսքերով, դրա համար խորհրդարանը պետք է բիրտանական ՀՕՊ ուժերին պաշտոնապես թույլատրի հարվածներ հասցնել Սիրայում այդ խմբավորման ճամբարներին: Սպասվում է, որ այդ հարցի վերաբերյալ քվեարկությունը կարող է անցկացվել արդեն սեպտեմբերին, երբ պատգամավորները վերադառնան արձակուրդից:
Բրիտանիայի խորհրդարանը 2014թ. սեպտեմբերին վավերացրեց Իրաքում տեղակայված ԻՊ-ի դիրքերին հարվածներ հասցնելու մասին որոշումը: Ընդունված փաստաթուղթը չի թույլատրում հարվածել այդ խմբավորման` Սիրիայում տեղակայված ճամբարների ուղղությամբ, ինչպես նաև հակամարտության գոտի մտցնել բրիտանական ցամաքային ուժեր: