Հունաստանը 53 միլիարդ եվրո Է խնդրել Եվրամիությունից
2 րոպեի ընթերցում
![Հունաստանը 53 միլիարդ եվրո Է խնդրել Եվրամիությունից](http://armenpress.am/resized/480/static/news/b/2015/07/811853.jpg)
ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Հունաստանի կառավարությունը միջազգային վարկատուներին Է առաջարկել պետական ֆինանսների առղջացմանը նպատակամղված՝ ավելի արմատական բարենորոգումների պլան՝ նրանց կողմից զիջումների եւ մինչեւ 2018 թվականի կեսերը 53,5 միլիարդ եվրո գումարի ֆինանսավորման փոխարեն: Ինչպես տեղեկացնում Է «Արմենպրես»-ը, այս մասին հուլիսի 10-ին հաղորդել Է Reuters գործակալությունը, որին հաջողվել Է ծանոթանալ այն առաջարկություններին, որոնք Աթենքը հուլիսի 9-ին ուղարկել Է Եվրախմբի ղեկավար Երուն Դեյսելբլումին:
Գործակալության տվյալներով՝ Հունաստանի կառավարությունն առաջարկել Է նոր միջոցներ, ինչպիսիք են նավագնացային ընկերությունների հարկի բարձրացումը եւ Հունաստանի կղզիների համար հավելադիր արժեքի հարկի արտոնությունների վերացումը, որի պահպանման համար նա ավալի վաղ պնդում Էր: Աթենքը նաեւ մտադիր Է մեծացնել հավելադիր արժեքի հարկը ռեստորանների համար, իրականացնել կենսաթոշակային բարենորոգություն, կազմել պետական ունեցվածքի մասնավորեցման գրաֆիկ:
Իր կողմից այս զիջումների փոխարեն Հունաստանը վարկատուներից սպասում Է առաջիկա չորս տարվա համար բյուջեի առաջնային հավելուրդի չափի նպատակային կողմնորոշիչների վերանայում եւ իրեն մինչեւ 2018 թվականի հունիսի վերջը 53,5 միլիարդ եվրոյի (59 միլիարդ դոլարի) չափով ֆինանսական օգնության նոր ծրագրի տրամադրում՝ պետական պարտքի հանձնառությունների մարման համար, հաղորդել Է ՏԱՍՍ-ը:
Լուսանկարը` Reuters