Ատոմ Էգոյանը Հոլոքոստի մասին ֆիլմ կնկարահանի

ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ: Կանադացի հայտնի հայ կինոռեժիսոր Ատոմ Էգոյանը հայտարարել է, որ մտադիր է Հոլոքոստի մասին ֆիլմ նկարահանել:

Ինչպես հաղորդում է «Արմենպրես»-ը, այս մասին նա հայտնել է «Ակոս»-ի հետ զրույցում:

Ատոմ Էգոյանն ասել է, որ չի պատրաստվում նոր ֆիլմ նկարահանել Հայոց ցեղապանության մասին:

«Իմ նոր` Remember (Հիշել) ֆիլմը Հոլոքոստի մասին է: Ֆիլմի հերոսը, ով ընտանիքը կորցրել էր Աուշվից ճամբարում, Հոլոքոստից փրկված եւ հիշողության կորստով տառապող մարդ է: Նա ճանապարհ է ընկնում իր ընտանիքին վերացրած մարդուն սպանելու համար, սակայն, մոռանում է պատճառը: Երբեմն իրեն գտնում է զենքը ձեռքին որեւէ հյուրանոցի համարում, սակայն, չի կարողանում հիշել, թե ինչու պետք է սպանի որեւէ մեկին»,- պատմել է ռեժիսորը:

Ատոմ Էգոյանը Հայոց ցեղասպանության մասին նշանավոր «Արարատ» ֆիլմը նկարահանել է 2002 թվականին: