368.54
ԱԺ նախագահը ցավակցական ուղերձ է հղել Գագիկ Հովհաննիսյանի մահվան կապակցությամբ
2 րոպեի ընթերցում
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: ԱԺ նախագահը ցավակցական ուղերձ է հղել Գագիկ Հովհաննիսյանի մահվան կապակցությամբ: Այս մասին «Արմենպրեսե-ին տեղեկացրին ՀՀ ԱԺ հասարակայնության և տեղեկատվության միջոցների հետ կապերի վարչությունից:«Խոր ցավով տեղեկացա «Շախմատ-64» հաղորդաշարի հեղինակ եւ վարող, «Շախմատային Հայաստան» հանդեսի հիմնադիր եւ գլխավոր խմբագիր, ՀՀ վաստակավոր լրագրող, Հայաստանի շախմատի ֆեդերացիայի գլխավոր քարտուղար Գագիկ Հովհաննիսյանի մահվան մասին:
Գագիկ Հովհաննիսյանի շախմատային հանրամատչելի հաղորդումները, վերլուծություններն ու մեկնաբանություններն իսկական դասընթացներ էին շախմատասերների«ինչպես նաեւ ապագա լրագրողների համար, որոնց նա երկար տարիներ դասավանդում էր Երեւանի պետական համալսարանի ժուռնալիստիկայի ֆակուլտետում: Նա հայկական շախմատի նորագույն պատմության անբաժանելի վկան ու տարեգիրն էր, շախմատի Հայաստանի հավաքականների հաղթանակների մշտական ուղեկիցը, ով կարողանում էր իր հագեցած ռեպորտաժներով այդ հաղթանակների ողջ բերկրանքը լիարժեք փոխանցել մարզասերներին:
Կորստի այս ծանր պահին անկեղծորեն ցավակցում ու մխիթարության խոսքերս եմ ուղղում Գագիկ Հովհաննիսյանի ընտանիքին, հարազատներին, մերձավորներին ու ընկերներին եւ կիսում նրանց վիշտը»,-ասված է ԱԺ նախագահի ուղերձում:
Բաժանորդագրվեք մեր ալիքին Telegram-ում