ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: «Իսլամական պետությունն» իր վրա է վերցրել Քուվեյթում իրականացրած ահաբեկչության պատասխանատվությունը: Ինչպես հաղորդում է «Արմենպրես»-ը՝ վկայակոչելով արաբական լրատվամիջոցները, Էլ Քուվեյթի Աս Սաուաբեր շրջանում՝ Իմամ աս Սադիկ մզկիթում, ուրբաթօրյա աղոթքի ժամանակ պայթյուն է տեղի ունեցել: Պայթյունից մզկիթի բոլոր լուսամուտները ջարդվել են: Քանդվել են մզկիթի պատերն ու առաստաղը:
Պայթյունն իրականացրել է մահապարտ-ահաբեկիչն՝ ինքնապայթեցման միջոցով: Տարբեր տեղեկություններով՝ զոհվել է 13 մարդ: Զոհերի թիվը հստակեցվում է: