1 րոպեի ընթերցում
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Երևանի հիմնական դպրոցների շրջանավարտներին՝ 9-րդ դասարանցիներին հունիսի 26-ին հանձնվել են ավարտական վկայականները։ Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, Հայաստանի բոլոր մարզերի և Երևանի հիմնական դպրոցների շրջանավարտներին ավարտական վկայականների հանձնման մեկնարկային օր էր ընտրվել հունիսի 26-ը։
2014-2015 թթ. ուսումնական տարում Երևանի հիմնական դպրոցներն ավարտել է շուրջ 3100 շրջանավարտ, որից 128-ը գերազանցիկ են և ստանում են գերազանցության հատուկ նմուշի վկայականներ։
Մայրաքաղաքի միջնակարգ դպրոցների շրջանավարտներին, ովքեր այս տարի 420-ն են, հասունության ատեստատները կտրվեն հուլիսի առաջին օրերին։